SESORAH

SESORAH

Sesorah inggih punika salah satunggaling kaprigelan micara ing sangarepe wong akeh kanggo ngandharake pemanggih utawi ide.

Pamedhar sabda inggih punika wong kang nindakakek ayahan/ jejibahan medhar sabda, dene sing diarani medhar sabda yaiku nglairake utawa njlentrehake sawenehing surasa utawa isi sesorah, wejangan, wewarah, gagasan, utawa pikiran marang wong liya.

Wonten babagan ingkang kedah dipungatosaken ing bab rantamaning sesorah, antawisipun :

1. Salam Pambuka

2. Perwaka inggih punika ngunjukaken puji marang ngarsanipun Gusti saha atur panuwun marang para rawuh serta ingkang mbiyantu lampahing adicra.

3. Surasaning basa/isi/ wos sesorah, inggih menika underaning bab ingkang dipunwedharaken.

4. Dudutan/Kesimpulan.

4.Pangajeng-ajeng.

5. Wasana inggih menika atur panuwun saha atur nyuwun pangaksami anggenipun nindakaken jejibahan.

           Supados nengsemaken ing samudayanipun, pramila kedah nggatosaken :

1. Busana (Ageman)

Anggenipun ngadi busana kajumbuhna kaliyan kaperluawanipun, wonten ing adicara menapa ingkang badhe dipunayahi.

2. Subasita (Trapsila, Tata Kami)

Solah bawa prayogi ingkang prasaja kemawon, anteng, manteb, nanging boten kaken. Pramila menika saged gladhen wonten ing sangajengaipun pengilon ingkang ageng, mangke badhe manggihi patrap ingkang luwes tuwin pantes.

3. Swara (Vokal, Basa Populer)

Supados saged langkung cetha kedaling swanten. Pocapan inggih mekaten ugi, kaudia saged mbedak-mbedakaken swantening tembung ingkang medal kanthi cetha.

4. Basa Tuwin Sastra

Basa ingkang kaginakaken kedah miturut tuntunaning sastra ingkang leres. Pamilihing tembung ingkang salajengipun dipunronce ukara ingkang trep, luwes, sae, wasana sakeca kapirangaken. Manggihi jaman menika, prayogi ngagem tembung ingkang prasaja kemawon.

Ringkesipun basa ingkang komunikatif inggih menika basa ingkang kedah angengeti :

1. Sinten ingkang gineman

2. Sinten ingkang dipunajak gineman

3. Sinten ingkang dipun ginem

4. Swasana nalikanipun gineman

5. Sami mangertosi ingkang dipunginem

Perkawis ingkang kedah dipun gatosaken, inggih punika :

1.  Jumeneng kanthi sigrak tuwin jejeg, sikaping susku megar metawis kalih jobin, Percaya diri.

2. Asta ngapurancang, sarisa radi jejeg, janggut katarik, naming sampun katinggal suku.

3. Polatan katinggal sumeh, namung boten katingal damel-damel.

4. Mriksani dhumateng para pamirsa kanthi trapila.

5. Penggalih dipunsarehaken, suapados suwanten boten kepireng ndredheg.

6. Wiramaning wicara ingkang cetha serta kajumbuhaken kaliyan kawontenan.

7. Suwonten boten perlu sora, ingkang cekapan ananging wijang.

8. Ngagem basa ingkang alus, ananging boten perlu basa ingkang muluk-muluk, supados gampil dipunsuraos dening midhangetaken.

9. Pangandikan boten perlu muter-muter, ingkang cekak, anganging saged nyakep punapa-punaa ingkang badhe dipunkajengaken.

Teknik ingkang digianakaken wonten ing sesorah ingih punika : 

1. Sesorah Kanthi Cara Apalan

Sesorah cara menika saderengipun sampun damel seratan sesorah lajeng dipunapalaken tenbung ngantos ukaranipun persis kaliyan cethetan.

2. Sesorah Kanthi Cara Naskah/Teks

Sesorah cara naskah/teks, menika juru pamedhar sabda saestu bekta naskah, teks utawi cathetan pidato lajeng dipun waos sawetahipun, boten dipunapalaken.

3. Sesorah Kanthi Cara Dadakan/Impromtu

Sesorah cara dadakan, menika cara pidhato boten kenyana-nyana saderengipun menawi badhe dipunaturi sesorah utawi ndadak ing adicara menika lajeng dipunaturi sesorah.

4. Sesorah Kanthi Cara Eksmporan

Sesorah cara menika kanthi cara juru pamedhar sabda ngasta utawi damel cathetan alit minangka gaman utawu pengemut-emut urutaning  ingkangbbadhe dipun ngendikaken.

Tuladhanipun Sesorah :

Assalamu’alaikum Wr. Wb.

Nuwun, Bapak Kepala Sekolah ingkang kinurmatan, Bapak Ibu Guru saha karyawan ingkang kula kurmati, sarta para kanca ingkang tansah bagya mulya.
Kanti rahmat sarta barokahipun Allah Ingkang Maha Agung, katitik ing wekdal menika kita sedaya saged makempal manunggal ing wekdal lan ing papan ngriki, kanthi wilujeng kalis nir ing sambekala.

Keparenga kula ingkang pinji minangka wakil saking para siswa, ngaturaken sugeng nyadi, nyuwun pangampunten sedaya kalepatan kula sekanca dhumateng Bapak lan Ibu Guru. Mugi Gusti nampi pangapunten kula lumantar panjenengan sedaya. Gusti Allah mugi nampi amal ibadah kita, tansah ngluberaken karahayon, kabagyan, katentreman, lan keslametan dhateng kita sedaya. Aamiin

Mugi-mugi acara Halal Bihalal iki dados sarana nglebur dosa antawisipun sesame, ingkang rumaos lepat mboten kaambali malih ing wekdal candhakipun. Awit kalepatan, dosa, khilaf menika sandhanganipun tiyang gesang, sumangga kita sedaya tepa salira, amrih gesang kita tansah bagya mulya.

Mugi kanthi wontenipun acara menika ngemutaken kita sedaya sageda tansah tumindak ingkang sae dhateng sesame, ajen-ingajenan, tresna-tinresnanan ing antawisipun ingkang mudha dhateng tiyang sepuh, utawi dhateng sesamining para mudha. Adhedhasar tata krama ingkang sae, ndadosaken silaturahmi saged lumampah kanthi lancar.

Wonten tetembung menawi silaturahmi menika saged manjangaken yuswa. Pramila sumangga acara menika saestu nambahi seserepan tumrap kita saengga kita saged gesang ing madyaning bebrayan kanthi sae lan tansah nindakaken silaturahmi kanthi sae dhateng sesame.

Cekap semanten atur kula, menawi wonten kaduking wicara saha solah bawa ingkang mboten ndadosaken rena ing penggalih Bapak Ibu Guru, karyawan saha para kanca, kula nyuwun pangaksama. Nuwun.

Wassalamu’alaikum Wr. Wb.

Sumber :

LKS Basa Jawa kelas XI

http://www.satubahasa.com/2014/12/contoh-teks-pidato-bahasa-jawa-acara-halal-bihalal.html